((طرفة قانونية لتلطيف الجو ))
 |
| طرفة قانونية لتلطيف الجو |
بقلم المحامي حسين حمود الوائلي
كنت اليوم مع صديق المحامي صاعد بسيارته ، فجأة لكينه سيطرة من المرور ويدقوون على أجازة السوق ،وسيارات طابكه حاجزيهم الظاهر ماعدهم إجازات سوق ،كلي استاذ اني ماعندي إجازة سوق كتله ولا اني شايل معاي إجازة السوق أعيفها بسيارتي حتى اصعد بمكانك ...كال لعد شسوي حتى مااكدر ارجع ...
كتله سهله لأن لاحظت الواكفين شرطه ماوياهم ضابط مرور ..كتله شوف من نوصل يمهم ويطلب منك الشرطي إجازة السوق كله ميصير انطيك إجازة السوق إلا لضابط المرور حسب قانون إدارة المرور ...والله كول وصلنه الشرطي كله أوراق السيارة وإجازة السوق كله صاحبنا أخي ميجوز انطيك إجازة السوق إلا لضابط المرور اذا طلبها كله هذا وين الحجي كله بقانون إدارة المرور ، كتله اني أي عيني كلامه صحيح بالقسم 2 المادة 1 كلي حضرتك محامي كتله أي نعم ومبين اني لابس قاط وإنطيته نص قانوني ...الشرطي كال ماكو مشكله على عيني وعلى راسي احنه انطبق القانون وكال لحظه وصاح سيدي سيدي نزل ضابط كان كاعد بسيارة المرور على صفحه اجه وصل يمنه كله سيدي يكول صاحب السيارة اني ماابرز الإجازة إلا للضابط كله الضابط إجازة السوق أخويه كله ماعندي .....
مااطول عليكم كله اطبك وحجزه. ...وإنوب أنزل اخوكم أقنع بالضابط يتركه كتله يمعود هذا كال هيج لأن ناسي إجازته بالبيت كول بطلاع الروح الضابط كله الأستاذ امبين مايكذب وأنوب شيل أجازتك وياك ...الله وياك ....كلي صاحبي استاذ حسين لو مخليها على بنيان العام احسن شروطتني كتله شمدريي ضابط موجود كلنه نستغل القانون النوب القانون انكلب علينه ههههههههههههههههههه .. افضل محامي في جدة - افضل محامي في الرياض - افضل محامي في دبي
شاركنا بتعليقك...