بحث ودراسة قانونية - وقف تنفيذ العقوبة في القانون المصري والمقارن
 |
| وقف تنفيذ العقوبة - أهمية نظام إيقاف التنفيذ |
#الزملاء_حديثي_التخرج
موضوع هام بقلم الاستاذ/ Mahmoud Khedre المحامي
"حكمت المحكمة حضورياً على المتهم بالحبس لمدة سنة وأمرت بوقف تنفيذ العقوبة لمدة ثلاث سنوات تبدأ من اليوم"
بالنسبة لكتير من الناس العبارة غامضة ومثيرة لتساؤلات زي: يعني كدا المتهم هيتحبس ولا مش هيتحبس؟ ولو مش هيتحبس ليه اتحكم عليه أصلا؟ ويعني إيه وقف التنفيذ لمدة ثلاث سنوات؟
وللإجابة على الأسئلة دي هنشرح إيه المقصود بإيقاف تنفيذ العقوبة:
أحياناً ظروف المجرم الإجتماعية والإقتصادية والظروف المحيطة بارتكاب الجريمة، وأخلاقه وماضيه، بيوحوا ان المجرم سيق إلى ارتكاب الجريمة دفعاً، وان شخصيته بعيدة كل البعد عن شخصية المجرم معتاد الإجرام، وبالتالي لو اتحكم عليه بعقوبة حبس قصيرة المدة (لا تزيد عن سنة) هيكون من مصلحته ومصلحة المجتمع ان العقوبة لا تنفذ..
لأن بكونه مجرم مبتدئ وغير خطير من الأفضل عدم عزله وبقائه وسط المجتمع يفيد ويستفيد، و كمان لأن عقوبته قصيرة المدة ممكن لو اتنفذت وتم إيداعه وسط المجرمين الخطرين ومعتادي الإجرام تكون بمثابة دورة تدريبية لتعلم الإجرام أكتر من كونها ردع يحقق الصالح العام. لكنه في النهاية أجرم وإعفاءه من العقوبة بدون قيد أو شرط بيتنافى مع فلسفة التجريم والعقاب.
وهنا بتظهر أهمية نظام إيقاف التنفيذ، واللي بيحقق التوازن بين مصلحة الجاني ومصلحة المجتمع، ودا بأنه مراعاة لمصلحة الجاني بيوقف تنفيذ العقوبة لو كانت حبس لمدة لا تزيد عن سنة في جناية أو جنحة. لكن لمدة معينة وهي 3 سنوات لو صدر خلالها حكم ضده بالحبس أكتر من شهر هيتم تنفيذ العقوبة في حقه، وبكدا المحكوم عليه طول مدة إيقاف التنفيذ هيراقب سلوكه بمنتهى بحذر، ودا يعتبر ردع كافي بالنسبة لمجرم مبتدئ.
وفي حالة إيقاف تنفيذ العقوبة بنكون قدام إحتمالين:
- - ان خلال مدة إيقاف التنفيذ يصدر ضد المحكوم عليه حكم بالحبس لمدة تزيد عن شهر، ساعتها بقي هينفذ الحكم القديم والحكم الجديد، يعني هينفذ جميع العقوبات السابقة واللاحقة
- - أو ان مدة الإيقاف تعدي بسلام، وساعتها هتعتبر العقوبة كأن لم تكن، يعني مش هتبقى موجودة في صحيفة السوابق، والمحكوم عليه هيعفى من تنفيذها نهائياً.
#دروس_في_القانون_الجنائي
#محمود_خضر_المحامي
وقف تنفيذ العقوبة في النظام السعودي وقف تنفيذ العقوبة pdf وقف التنفيذ في النظام السعودي طلب وقف تنفيذ عقوبة حكم مع وقف التنفيذ ويكيبيديا سلطة النائب العام فى وقف تنفيذ العقوبة وقف تنفيذ الحكم الجنائى طلب وقف التنفيذ
شاركنا بتعليقك...