بحث ودراسة التصديق على العقود في الشهر العقاري |
| بحث ودراسة التصديق على العقود في الشهر العقاري |
والنهاردا هانتكلم عن التصديق ع العقود في الشهر العقاري ..وفوايده وهاندي مثال بسيط عليه ...
المحامي عثمان احمد
التصديق ع العقود بالبلدي كده عباره عن ان الاجراء دا بيأمن ع كل حاجه ف العقد وع فكره حجيه القانونيه قويه جداااا ... وليه ميزه مهمه اوي مش هاقولكوا عليها هاحتفظ بيها لنفسي (( بهزر طبعا )) بص ياسيدي وماسيدك الا انا ..التصديق بيسري ع اي عقد وخد بالك مش كتير بيلجأوا ليه عشان حراق حبتين ف الرسوم ... لانك بتدفع ع قيمه العقد .. يطلع واحد صايم لسه ماصحيش يقولك مش فاهم .. مثلا عقد ايجار مدته 9 سنين والقيمه الايجاريه الشهريه 500 جنيه .. احسب انت بقي المستاجر هايدفع كام طول ال 9 سنين دول .. والرسم بيكون ع اساس المبلغ اللي طالع دا ... وتقريبا الرسوم بتكون 10 لكل 1000 ...
وبالنسبه للاجراءات هي هي نفس اللفه بتاعت اثبات التاريخ ... وخد بالك التصديق ع العقود بيتم عنرطريق طرفي العقد يعني لازم البايع والمشتري يمضوااااا قدام الموظف او البايع يعمل توكيل للمستري والمشتري يمضي بداله ....
ومثال بسيط ع التصديق ...
حضرتك مثلا ساكن ف المعادي وعاوز تقدم لبنتك ف مدرسه ف السيده .. وهنا طبعا لازم تكون ساكن ف السيده ف انت تعمل ايييييه ... ليك مثلا واحد صاحبك ساكن ف السيده تقوله هات وصل كهربا من عندك وتعمل بينك وبينه عقد ايجار بقيمه ايجاريه قليله ودا عشان ماتدفعش رسوم تصديق كتير .... وتاخده وتطلع ع الشهر العقاري وتصدق ع العقد دا هناك .. وب كده انت بقيت من سكان السيده وتقدر تقدم للبت ف المدرسه اللي انت عاوزها ف السيده ...
استنوني ف الجزء التالت والاخير من شغل الشهر العقاري .. يارب تكون المعلومه خفيفه
شاركنا بتعليقك...